PRODHIMI I NJË DOKUMENTARI MBI HISTORITË FRYMËZUESE TË RIINTEGRIMIT TË TË RIKTHYERVE NGA ZONAT E KONFLIKTIT

Linja e Këshillimit për Gra dhe Vajza (LKGV) shpall thirrjen për aplikim nga kompani audiovizive, studio prodhimi ose profesionistë të pavarur për prodhimin e një dokumentari, në kuadër të projektit të financuar nga Global Community Engagement and Resilience Fund (GCERF).

Data ee shpalljes: 23 gusht 2024

Qëllimi

Dokumentari do të sjellë histori frymëzuese të individëve të rikthyer nga zonat e konfliktit, duke treguar përpjekjet e tyre për t’u riintegruar në shoqëri, rolin e familjeve, komuniteteve dhe institucioneve në këtë proces, si dhe shërbimet mbështetëse të ofruara nga organizatat partnere.

Objektivat kryesore

• Të pasqyrojë shembuj të suksesshëm të riintegrimit dhe forcimit të reziliencës.
• Të përcjellë mesazhe pozitive mbi shpresën, përfshirjen sociale dhe ndërtimin e një jete të re.
• Të rrisë ndërgjegjësimin e publikut për rëndësinë e mbështetjes së të rikthyerve dhe familjeve të tyre.
• Të shërbejë si material advokues dhe edukativ për partnerët institucionalë, organizatat dhe publikun e gjerë.

Përshkrimi i punës

Ofruesi i shërbimit do të ketë përgjegjësi për:

• Hartimin e konceptit dhe strukturës së dokumentarit në bashkëpunim me LKGV.
• Realizimin e xhirimeve (intervista, pamje ilustrative, ambientale, aktivitete komunitare).
• Montazhin profesional me narrativë të qartë dhe elementë vizualë tërheqës.
• Përgatitjen e titrave në gjuhën shqipe dhe anglisht.
• Dorëzimin e dokumentarit final në cilësi transmetimi (Full HD/4K).

Kriteret e përzgjedhjes

• Eksperiencë e provuar në prodhimin e dokumentarëve ose materialeve sensibilizuese.
• Aftësi për të trajtuar tema sociale dhe njerëzore me ndjeshmëri e profesionalizëm.
• Njohuri mbi çështjet e riintegrimit dhe P/CVE përbën avantazh.

Afati i zbatimit

Dokumentari duhet të përfundohet dhe dorëzohet brenda 4 javëve nga nënshkrimi i kontratës.

Mënyra e aplikimit

Të interesuarit duhet të dërgojnë në adresën elektronike [email protected] dokumentacionin e mëposhtëm:

• CV profesionale ose prezantim i kompanisë/studios.
• Ofertë financiare.

Në subjektin e e-mailit duhet të specifikohet: Aplikim për prodhimin e dokumentarit – Projekti GCERF

Afati i fundit për dorëzimin e aplikimeve është 08 shtator 2024.

Të gjitha aplikimet do të trajtohen me konfidencialitet të plotë. LKGV garanton mundësi të barabarta për të gjithë aplikuesit.

SHKARKONI OFERTËN FINANCIARE