Në ambientet e Vila 31 në Tiranë, SICA dhe partnerët e saj organizuan një takim ndërinstitucional në kuadër të promovimit të aplikacionit “The Sorority” dhe forcimit të bashkëpunimit për mbrojtjen e grave dhe vajzave.

Eventi mblodhi përfaqësues të institucioneve shtetërore, organizatave të shoqërisë civile dhe ekspertë të fushës, të cilët diskutuan mbi rëndësinë e koordinimit dhe reagimit të përbashkët për të adresuar dhunën me bazë gjinore.

Ky takim shërbeu si një hap konkret drejt ndërtimit të një rrjeti më të fortë bashkëpunimi dhe krijimit të hapësirave më të sigurta për gratë dhe vajzat në Shqipëri.