Linja e Këshillimit për Gra dhe Vajza dhe Linja e Këshillimit për Burra dhe Djem, së bashku me përfaqësues të Policisë së Shtetit dhe Bashkisë Korçë, zhvilluan sot një takim ndërgjegjësues dhe informues me nxënësit e kalsave të XI-a. Ky takim u zhvillua në kuadër të projektit „Rrisim Besimin Polici-Komunitet“ i cili mbështetet nga programi “Forcimi i Policimit në Komunitet në Shqipëri” (SCPA), financuar nga Qeveria Suedeze nëpërmjet Agjencisë Ndërkombëtare Suedeze për Zhvillim dhe Bashkëpunim (Sida) dhe zbatuar në Shqipëri nga kompania FCG Sweden.