Pozicioni: Ekspert/e për hartimin e standardeve të operimit për ngritjen e Mekanizmit Kombëtar të Referimit për Parandalimin e Ekstremizmit të Dhunshëm dhe për Rehabilitimin e Riintegrimin e Personave të Rikthyer nga Zonat e Konfliktit (RFTFs)
Kohëzgjatja: Konsulencë afatshkurtër – 20 ditë pune

Data e shpalljes: 26.08.2023

Rreth nesh

Linja e Këshillimit për Gra dhe Vajza (LKGV), një organizatë me mbi 25 vite përvojë në ofrimin e shërbimeve psiko-sociale, ligjore dhe edukative për viktimat e dhunës dhe komunitetet vulnerabël, ka qenë ndër aktorët kryesorë në nismat për parandalimin dhe kundërshtimin e ekstremizmit të dhunshëm (CVE/PCVE) në Shqipëri. Në kuadër të projektit të mbështetur nga Global Community Engagement and Resilience Fund (GCERF), LKGV synon të angazhojë një ekspert/e për të hartuar standardet e operimit që do të udhëheqin funksionimin e Mekanizmit Kombëtar të Referimit për CVE dhe për proceset e rehabilitimit dhe riintegrimit të RFTFs.

Përshkrimi i punës dhe detyrat kryesore

Eksperti/ja do të jetë përgjegjës për:

• Analizën e dokumenteve ekzistuese kombëtare dhe ndërkombëtare mbi mekanizmat e referimit në fushën e CVE dhe R&R.
• Hartimin e një seti standardesh operimi (SOPs) për ngritjen dhe funksionimin e Mekanizmit Kombëtar të Referimit.
• Sigurimin që standardet të përfshijnë qasje të integruara psiko-sociale, ligjore, arsimore dhe të sigurisë për RFTFs.
• Konsultimin me aktorë institucionalë dhe shoqërinë civile për validimin e draftit.
• Përgatitjen e një raporti përfundimtar me rekomandime për zbatimin praktik.

Kriteret e aplikimit

Kandidatja/i duhet të plotësojë kriteret e mëposhtme:

• Diplomë Master në Shkenca Sociale, Juridike, Politike, të Sigurisë, Teknologjise, Administrates Publike ose fusha të ngjashme.
• Minimum 7 vite përvojë profesionale në fushën e politikave publike, sigurisë, CVE/PCVE ose R&R.
• Përvojë e dokumentuar në hartimin e standardeve, protokolleve apo mekanizmave ndër-institucionalë.
• Njohuri shumë të mira të kornizave ligjore dhe praktikave ndërkombëtare për CVE dhe RFTFs.
• Aftësi shumë të mira analitike, koordinuese dhe përgatitje raportesh.
• Njohuri të shkëlqyera të gjuhës shqipe dhe të mira të gjuhës angleze.

Mënyra e aplikimit

Të interesuarit duhet të dërgojnë në adresën elektronike: [email protected] me subjekt:
Aplikim për pozicionin “Ekspert për hartimin e standardeve të operimit për Mekanizmin Kombëtar të Referimit – CVE”

Aplikimi duhet të përmbajë:

• CV të detajuar
• Ofertë financiare

Afati i fundit për dorëzimin e aplikimeve: 10 shtator 2023 Vetëm kandidatët e përzgjedhur do të kontaktohen për intervistë. Të gjitha aplikimet do të trajtohen me konfidencialitet të plotë.
LKGV ofron mundësi të barabarta punësimi.

SHKARKONI OFERTËN FINANCIARE