Pozicioni: Ekspert/e ose kompani për zhvillimin e trajnimeve me personat fokalë në 12 qarqet e Shqipërisë
Kohëzgjatja: Angazhim me ditë pune sipas paketës së trajnimeve të përcaktuara më poshtë

Data e shpalljes: 08.12.2023

Rreth nesh

Linja e Këshillimit për Gra dhe Vajza (LKGV) ka mbi 25 vite përvojë në ofrimin e shërbimeve psiko-sociale, ligjore dhe edukative për viktimat e dhunës dhe komunitetet vulnerabël. Në kuadër të projekteve për parandalimin e radikalizmit dhe ekstremizmit të dhunshëm (CVE), LKGV po zbaton një program të specializuar të trajnimeve në nivel kombëtar për të mbështetur institucionet vendore dhe rajonale, me synim forcimin e kapaciteteve për rehabilitimin, riintegrimin dhe referimin e rasteve ne kuader te projektit te financuar nga GCERF.

Përshkrimi i punës

Kërkohen 3 ekspertë/e (ose kompani) që do të ofrojnë trajnime të strukturuara për personat fokalë dhe institucionet në 12 prefekturat e Shqipërisë.

Eksperti 1 – CVE dhe Riintegrimi

• Tematika: ekstremizmi i dhunshëm, radikalizmi fetar dhe riintegrimi i të rikthyerve në komunitet.
• Angazhimi: 12 ditë pune (1 ditë për çdo prefekturë).
• Përgjegjësitë: zhvillimi i sesioneve individuale, raportim përmbledhës.

Eksperti 2 – Administrata publike dhe referimi i rasteve

• Tematika: roli i administratës publike, mekanizmat e referimit dhe bashkëpunimi me institucionet shtetërore.
• Angazhimi: 28 ditë pune (4 ditë në Tiranë, 3 ditë në Durrës, 3 ditë në Vlorë, 2 ditë në secilën prefekturë tjetër).
• Përgjegjësitë: zhvillimi i sesioneve individuale, raportim përmbledhës.

Eksperti 3 – Standardet e Operimit dhe Procedurave dhe rregulloret e Komiteteve Rajonale

• Tematika: zbatimi i rregulloreve dhe standardeve operative (SOP) për komitetet rajonale.
• Angazhimi: 60 ditë pune (5 ditë për çdo prefekturë).
• Përgjegjësitë: zhvillimi i sesioneve individuale, mbështetje për standardizimin e punës dhe raportim final.

Detyrat kryesore për të tre ekspertët

• Organizimi dhe zhvillimi i sesioneve në terren në 12 prefekturat e Shqipërisë.
• Përdorimi i metodologjive interaktive për rritjen e pjesëmarrjes dhe përvetësimit të njohurive.
• Monitorimi i progresit të pjesëmarrësve dhe përgatitja e raporteve përmbledhëse me rekomandime praktike.
• Koordinimi me institucionet vendore për të siguruar që përmbajtja e trajnimeve është në përputhje me nevojat specifike të prefekturave.

Kriteret e aplikimit

Kandidatja/i ose kompania duhet të plotësojë:

• Diplomë universitare (Bachelor/Master) në shkenca sociale, administrim publik, zhvillim komunitar ose fusha të ngjashme.
• Minimumi 5 vite përvojë në trajnime, ngritje kapacitetesh ose punë me institucione vendore/shtetërore.
• Përvojë e dëshmuar në zhvillimin e moduleve dhe përdorimin e metodologjive interaktive.
• Kuptim i mirë i kontekstit lokal dhe funksionimit të institucioneve publike në Shqipëri.
• Aftësi të shkëlqyera komunikimi verbal dhe me shkrim.
• Njohja shumë e mirë e gjuhës shqipe (anglishtja është avantazh).
• Gatishmëri për udhëtime në 12 prefekturat e Shqipërisë.

Mënyra e aplikimit

Të interesuarat/it janë të ftuar të dërgojnë aplikimin e tyre në adresën elektronike: [email protected] ose pranë zyrës në adresën:
Rr. Muhamet Gjollesha, Nd. 122, H.4, Ap. 8

Subjekti i e-mail-it: “Aplikim për pozicionin: Ekspert/e trajnimesh”

Aplikimi duhet të përmbajë:

• Ofertë financiare (me ditë pune dhe tarifën përkatëse)
• CV të detajuar

* Vetëm kandidatët e përzgjedhur për intervistë do të kontaktohen.
* Të gjitha aplikimet do të trajtohen me konfidencialitet.
* LKGV garanton mundësi të barabarta punësimi për të gjitha aplikantet/ët.

Afati i fundit për dorëzimin e aplikimeve: 24.12.2023

SHKARKONI OFERTËN FINANCIARE