PRODHIMI I NJË VIDEO-REPORTAZHI PËR TË RIKTHYERIT NË KUADËR TË PROJEKTIT GCERF

Dt. 2 maj 2024

Linja e Këshillimit për Gra dhe Vajza (LKGV) shpall thirrjen për aplikim nga kompani, studio ose profesionistë të fushës audiovizive për prodhimin e një video-reportazhi me kohëzgjatje deri në 10 minuta, në kuadër të projektit të financuar nga Global Community Engagement and Resilience Fund (GCERF).

Qëllimi

Video-reportazhi synon të dokumentojë dhe pasqyrojë historitë, sfidat dhe përpjekjet për riintegrimin e individëve të rikthyer nga zonat e konfliktit, si dhe mbështetjen e ofruar për ta dhe familjet e tyre përmes shërbimeve psiko-sociale dhe komunitare.

Objektivat kryesore

• Të sjellë dëshmi reale dhe histori personale të procesit të riintegrimit.
• Të tregojë rolin e institucioneve dhe organizatave partnere në mbështetje të të rikthyerve.
• Të promovojë mesazhe mbi reziliencën, shpresën dhe rëndësinë e përfshirjes sociale.
• Të shërbejë si material sensibilizues dhe advokues për publikun e gjerë, partnerët dhe donatorët.

Përshkrimi i punës

Kompania/profesionisti i kontraktuar do të ketë përgjegjësitë:

• Hartimi i konceptit kreativ dhe skenarit në bashkëpunim me ekipin e LKGV.
• Filmimi në terren (intervista, pamje ilustrative, aktivitete).
• Montazhi profesional i materialit me elementë grafikë, titra në shqip dhe anglisht.
• Dorëzimi i versionit final me cilësi transmetimi (Full HD/4K).

Kriteret e përzgjedhjes

• Përvojë e mëparshme në prodhimin e video-dokumentarëve, reportazheve ose materialeve sensibilizuese.
• Aftësi për të punuar me afate të shkurtra dhe me profesionalizëm.
• Njohuri mbi temat e të drejtave të njeriut, riintegrimit dhe parandalimit të ekstremizmit të dhunshëm (përbën avantazh).

Afati i zbatimit

Video-reportazhi duhet të përfundojë dhe dorëzohet brenda një periudhe maksimum 4 javë nga nënshkrimi i kontratës.

Mënyra e aplikimit

Të interesuarit duhet të dërgojnë në adresën elektronike [email protected] dokumentacionin e mëposhtëm:

• CV profesionale ose prezantim të kompanisë/studios.
• Ofertë financiare të detajuar.

Në subjektin e e-mailit duhet të specifikohet: Aplikim për prodhimin e video-reportazhit – Projekti GCERF

Afati i fundit për dorëzimin e aplikimeve është 19/05/2024.

Të gjitha aplikimet do të trajtohen me konfidencialitet të plotë. LKGV siguron mundësi të barabarta për të gjithë aplikuesit.

SHKARKONI OFERTËN FINANCIARE