Sot ne lancuam Linjën Kombëtare mbi Ekstremizmin e Dhunshëm 08004545 për të ndihmuar njerëzit që ndihen të paqartë, të painformuar ose të rrezikuar nga ekstremizmi i dhunshëm. Me mbështetjen e Ambasadës Amerikane në Tiranë dhe Hedayah, program i financuar nga Bashkimi Evropian në Shqipëri ne tani jemi në gjendje të ofrojmë shërbime këshillimi për personat në rrezik për t’u bërë pjesë e grupeve radikale si dhe të ofrojmë mbështetje për të afërmit e tyre, duke parandaluar dhe riintegruar raste që paraqesin rrezik për t’u përfshirë në grupe ekstremiste. Me besimin dhe mbështetjen e Qendrës CVE dhe Ministrisë së Brendshme ne nënshkruam marrëveshjen e bashkëpunimit, në praninë e më shumë se 100 miqve dhe kolegëve që ndoqën eventin online.