Linja e Këshillimit për Gra dhe Vajza zhvilloi në ambjentet e Sallës së Konferencave Korçë, trajnimin me temë “Ngritja e kapaciteteve të aktorëve lokalë për të punuar me viktimat e dhunës në familje”. Ky trajnim u zhvillua në kuadër të projektit “Rrisim Besimin Polici-Komunitet“ i cili mbështetet nga programi “Forcimi i Policimit në Komunitet në Shqipëri” (SCPA), financuar nga Qeveria Suedeze nëpërmjet Agjencisë Ndërkombëtare Suedeze për Zhvillim dhe Bashkëpunim (Sida) dhe zbatuar në Shqipëri nga kompania FCG Sweden. Në trajnim morrën pjesë 14 punonjës të Bashkisë Korçë, mes tyre edhe mësues, mjekë e gazetarë.