Në datë 28 Gusht 2019, Linja e Këshillimit për Gra dhe Vajza zhvilloi në ambjentet e Qendrës Rinore Korçë, trajnimin me temë „Ngritja e kapaciteteve të punonjësve të policisë për të punuar me viktimat e dhunës në familje“. Ky trajnim u zhvillua në kuadër të projektit „Rrisim Besimin Polici-Komunitet“ i cili mbështetet nga programi “Forcimi i Policimit në Komunitet në Shqipëri” (SCPA), financuar nga Qeveria Suedeze nëpërmjet Agjencisë Ndërkombëtare Suedeze për Zhvillim dhe Bashkëpunim (Sida) dhe zbatuar në Shqipëri nga kompania FCG Sweden. Në trajnim morrën pjesë përfaqësues të Drejtorisë Vendore Korçë të Policisë, specialistë të Policisë së Zonave si dhe oficerë të Policisë Gjyqësore.
Gjatë këtij trajnimi u diskutuan edhe ndryshimet ligjore lidhur me masat që merr policia në rastet e dhunës në familje, kryesisht për lëshimin e Urdhrit Paraprak të Mbrojtjes 48 – orë.