Sot KQZ ka miratuar kërkesën e Linja e Keshillimit per Gra dhe Vajza, AËEN, Gender Alliance for Development Center (GADC) dhe 24 organizatave të tjera të shoqërisë civile për fletën tip që i hap rrugën procesit ligjor për mbledhjen e firmave për krijimin e një regjistri kombëtar për autorët e krimeve seksuale. Paralelisht, rreth 3 javë më parë 27 organizata të shoqërisë civile i kanë bërë një kërkesë Kuvendit të Shqipërisë për ndryshime në Kodin Penal që kanë lidhje me rritjen e masave ndëshkuese për autorët e krimeve seksuale, ndryshime në përkufizimin e përdhunimit, kriminalizimin e sjelljes seksuale pa dhënien e pëlqimit, realizimin e mbikqyrjes për autorët e krimeve seksuale, dërgimin e tyre në shërbime të specializuara rehabilitimi për dhunuesit, etj. bazuar në dy Konventa të rëndësishme të Këshillit të Evropës të ratifikuara nga Shqipëria (Konventa e Stambollit dhe Konventa Lanzarote).