Pozicioni: Ekspert/e për hartimin e planeve individuale të edukimit për fëmijët e rikthyer nga zonat e konfliktit
Kohëzgjatja: Angazhim afatshkurtër (21 ditë pune në total, nga 1 marsi deri më 30 shtator 2022)

Data e shpalljes: 14.02.2022

Rreth nesh

Linja e Këshillimit për Gra dhe Vajza (LKGV) është një organizatë me mbi 25 vite përvojë në ofrimin e shërbimeve psiko-sociale, ligjore dhe edukative për viktimat e dhunës, komunitetet vulnerabël dhe individë të prekur nga konflikti dhe ekstremizmi i dhunshëm. Në kuadër të punës së saj për riintegrimin e fëmijëve dhe grave të rikthyera nga zonat e konfliktit, LKGV kërkon të angazhojë një ekspert/e për hartimin e planeve të personalizuara të riintegrimit për 7 fëmijë.

Përshkrimi i punës dhe detyrat kryesore

Eksperti/ja do të jetë përgjegjës për:

• Hartimin e 7 planeve individuale të veprimit për edukimin e fëmijëve të rikthyer nga zonat e konfliktit (3 ditë pune të dedikuara për çdo plan).
• Bashkëpunimin me familjet, institucionet arsimore, shërbimet sociale dhe aktorët e tjerë relevantë për mbledhjen e informacionit dhe përshtatjen e planit sipas nevojave të secilit fëmijë.
• Integrimin në planet e riintegrimit të masave psiko-sociale, arsimore, shëndetësore dhe komunitare.
• Sigurimin që planet të reflektojnë një qasje të bazuar në të drejtat e fëmijëve dhe në standardet ndërkombëtare për mbrojtjen e tyre.
• Përgatitjen e një raporti përmbledhës mbi procesin e hartimit të planeve dhe rekomandimet për hapat e mëtejshëm.

Kriteret e aplikimit

Kandidatja/i duhet të plotësojë kriteret e mëposhtme:

• Diplomë Master në Psikologji, Punë Sociale, Shkenca të Edukimit ose fusha të ngjashme.
• Minimum 5 vite përvojë profesionale në punën me fëmijët dhe familjet në situata vulnerabël.
• Njohuri dhe përvojë mbi riintegrimin e fëmijëve nga zonat e konfliktit, ekstremizmi i dhunshëm ose trauma të lidhura me dhunën.
• Aftësi shumë të mira analitike, komunikimi dhe hartimi dokumentesh.
• Përvojë bashkëpunimi me institucione shtetërore dhe organizata të shoqërisë civile.
• Njohuri të mira të gjuhës angleze (avantazh).

Mënyra e aplikimit

Të interesuarit duhet të dërgojnë në adresën elektronike: [email protected], me subjekt:
Aplikim për pozicionin “Ekspert për hartimin e planeve të riintegrimit”

Aplikimi duhet të përmbajë:

• CV të detajuar
• Oferte financiare

Afati i fundit për dorëzimin e aplikimeve: 25.02.2022

Vetëm kandidatët e përzgjedhur do të kontaktohen për intervistë. Të gjitha aplikimet do të trajtohen me konfidencialitet të plotë. LKGV ofron mundësi të barabarta punësimi.

SHKARKONI OFERTËN FINANCIARE