Pozicioni: Ekspert/e për programe mentorimi dhe këshillimi mbi punësimin për RFTFs (personat e rikthyer nga zonat e konfliktit)
Kohëzgjatja: Konsulencë me afat 1-vjeçar (1 janar – 31 dhjetor 2024)

Data e shpalljes: 8 dhjetor 2023

Rreth nesh

Linja e Këshillimit për Gra dhe Vajza (LKGV), një organizatë me mbi 25 vite përvojë në ofrimin e shërbimeve psiko-sociale, ligjore dhe edukative për viktimat e dhunës dhe komunitetet vulnerabël, ka qenë një aktor kyç në programet e parandalimit dhe kundërshtimit të ekstremizmit të dhunshëm (CVE/PCVE) dhe riintegrimin e individëve të rikthyer nga zonat e konfliktit. Në kuadër të punës së saj dhe projektit te mbeshtetur nga GCERF, LKGV kërkon të angazhojë një ekspert/e për të ofruar mentorim dhe coaching mbi punësimin për RFTFs, duke punuar brenda një qendre shumë-agjencishme dhe në bashkëpunim me institucionet shtetërore dhe shërbimet e punësimit.

Përshkrimi i punës dhe detyrat kryesore

Eksperti/ja do të jetë përgjegjës për:

• Hartimin dhe zbatimin e një programi mentorimi dhe coaching mbi punësimin për RFTFs.
• Mbështetjen individuale dhe në grup për rritjen e aftësive të punësimit dhe integrimit në tregun e punës.
• Koordinimin me shërbimet e punësimit, trajnimet profesionale (VET) dhe institucionet shtetërore për të lehtësuar aksesin e përfituesve në mundësi punësimi.
• Zhvillimin e aktiviteteve praktike për rritjen e aftësive ndërpersonale dhe profesionale të RFTFs.
• Përgatitjen e raporteve mujore mbi progresin e përfituesve dhe rekomandime për përmirësime.

Kriteret e aplikimit

Kandidatja/i duhet të plotësojë kriteret e mëposhtme:

• Diplomë Master në Administrim Biznesi, Burime Njerezore, Shkenca Sociale, Edukim, Shkenca Politike, Finance, Siguri, ose fusha të ngjashme.
• Minimum 7 vite përvojë profesionale ne keto fusha.
• Përvojë me programe të formimit profesional dhe punësimit në bashkëpunim me institucione publike dhe private.
• Njohuri mbi proceset e riintegrimit të RFTFs dhe punën ndër-institucionale.
• Aftësi shumë të mira komunikimi, këshillimi dhe raportimi.
• Njohuri të mira të gjuhës angleze (avantazh).

Mënyra e aplikimit

Të interesuarit duhet të dërgojnë në adresën elektronike: [email protected] me subjekt:
Aplikim për pozicionin “Ekspert për programe mentorimi dhe këshillimi mbi punësimin e te rikthyerve”

Aplikimi duhet të përmbajë:

• CV të detajuar
• Ofertë financiare

Afati i fundit për dorëzimin e aplikimeve: 24 dhjetor 2023

Vetëm kandidatët e përzgjedhur do të kontaktohen për intervistë. Të gjitha aplikimet do të trajtohen me konfidencialitet të plotë. LKGV ofron mundësi të barabarta punësimi.

SHKARKONI OFERTËN FINANCIARE