KESHILLUESE PËR TERRORIZMIN E DHUNSHËM DHE RADIKALIZIMIN FETAR (ME KOHË TË PLOTË)

Linja e Këshillimit per Gra dhe Vajza (LKGV) po kërkon një këshilluese të reja për t’iu bashkuar ekipit të saj këshillues.

Rreth nesh:

Në kuadër të projektit te financuar nga GCERF, Linja e Këshillimit operon një qendër telefonike informacioni mbi ekstremizmin e dhunshëm dhe radikalizimin fetar. Qendra telefonike do të ofrojë informacion, këshillim dhe mbështetje për individët, komunitetet dhe profesionistët mbi parandalimin, identifikimin dhe trajtimin e rasteve të ekstremizmit të dhunshëm dhe radikalizimit. Këshillueset do të trajnohen ekstensivisht nga Linja e Këshillimit për Gra dhe Vajza mbi këto tematika.

Përshkrimi i punës dhe detyrat e këshillueses:

• Ofron këshillim psiko-social, nëpërmjet linjës telefonike dhe ballë për ballë, për individët e afektuar nga ekstremizmi i dhunshëm dhe/ose radikalizimi fetar;
• Ofron informacione të detajuara për të rinjtë, mësuesit, profesionistët dhe komunitetin e gjerë mbi faktorët nxitës dhe ato të qëndrueshmërisë ndaj ekstremizmit të dhunshëm dhe radikalizimit fetar;
• Ofron mbështetje dhe udhëheqje për individët, veçanërisht të rinjtë, me qëllim parandalimin e rekrutimit nga faktorë të ekstremizmit të dhunshëm dhe radikalizimit fetar;
• Ofron seanca këshilluese dhe referon rastet në institucionet e tjera përkatëse (bashki, qendra shëndetësore, psikologë shkolle etj.);
• Bashkëpunon me aktorë të tjerë si: mësues dhe psikologë të shkollave, zyrtarë të pushtetit vendor, udhëheqës fetarë dhe praktikatë, specialistë shëndeti, psikologë, liderë të komuniteteve etj., me qëllim informimin, edukimin dhe rritjen e vetëdijes së tyre mbi konceptet e ekstremizmit të dhunshëm dhe radikalizimit fetar;
• Siguron një ambjent mikpritës dhe të sigurtë për personat që telefonojnë;
• Vlerëson rrezikshmërinë e rasteve të paraqitura;
• Merr pjesë në aktivitetet dhe eventet advokuese dhe informuese të organizuara nga LKGV;
• Bashkëpunon me pjesëtaret e tjera të ekipit këshillues dhe stafin administrativ dhe këshilluesen ligjore për trajtimin e rasteve të vështira;
• Merr pjesë në mbledhjet mujore ku paraqet progresin e punës.

Përgjegjësi administrative:

• Përgatit raporte narrative dhe vlerësuese;
• Mban bazën e të dhënave dhe kontakteve lokale, si dhe informon stafin për çdo ndryshim pozioni, problematika të reja, etj.  
• E gatshme të udhëtojë në mënyrë të pavarur në qytete të ndryshme të Shqipërisë si dhe jashtë vendit
• Keshilluesja raporton drejtpërsëdrejti tek Koordinatorja e Programeve.

Kandidatja për këtë pozicion duhet të plotësojë këto kritere:

• Të ketë përfunduar studimet e plota (bachelor dhe master) në Psikologji, Punë Sociale, Psikiatri ose degë të tjera të ngjashme, me rezultate shumë të mira;
• Të jetë banuese në qytetin e Tiranës;
• Të ketë eksperienca të mëparshme pune me komunitetet vulnerabël dhe organizata joqeveritare;
• Të jetë njohese e shërbimeve publike, politikave dhe legjislacionit kombëtar për sa i përket mbrojtjes sociale;
• Të ketë të paktën 3 (tre) vite eksperiencë pune në projekte të ngjashme në organizata të shoqërisë civile ose institucione publike;
• Aftësi të shkëlqyera komunikimi, si në të shkruar edhe në të folur;
• Zhdërvjelltësi në përdorimin e paketës bazë Microsoft Office;
• Njohuri shumë të mira në gjuhën angleze, në të shkruar dhe të folur. Testimi i gjuhës do të kryhet nga vetë Linja e Këshillimit;
• Njohuri të mira mbi funksionimin e programeve të ndërgjegjësimit të komunitetit;
• Njohuri dhe eksperiencë në fushat e të drejtave të njeriut në përgjithësi.

      Kritere të tjera:

• Të jetë e aftë të menaxhojë raste të vështira;
• Të zotërojë aftësi të  shkëlqyera dëgjuese, të jetë e aftë të marrë vendime të shpejta dhe të mos shfaqë tendenca gjykuese;
• Të garantojë ruajtjen e konfidencialitetit të telefonatave;
• Të ketë ndjeshmëri ndaj cështjeve të të drejtave të njeriut dhe sigurisë;
• Të zotërojë aftësi të shkëlqyera ndërpersonale dhe komunikimi;
• Të jetë e gatshme të punojë edhe gjatë orarit të pasdites (16:00-20:00);
• Të punojë në përputhje me standardet e shërbimit të Linjës Kombëtare Të Këshilllimit për Viktimat e Dhunës në Familje;
• Aftësi për të punuar në mënyrë të pavarur dhe mundësi përshtatjeje në grupe të ndryshme.

 Mënyra e aplikimit:

Të interesuarat të dërgojnë në adresën tonë elektronike [email protected] ose te paraqiten prane ambjenteve te zyres ne adresen: Rr. Muhamet Gjollesha, Nd.122, H.4, Ap.8, 1023, Tirane, me dokumentacionin e mëposhtëm:

• Një kopje të CV-së

Në subjektin e e-mailit duhet të specifikohet titulli i pozicionit për të cilin po aplikoni: Këshilluese për terrorizmin e dhunshëm dhe radikalizimin fetar;

Kandidatet që do të përzgjidhen do të njoftohen nëpërmjet e-mail ose numrit të telefonit për tu paraqitur për intervistë. Të gjitha CV-të e sjella do të trajtohen me konfidencialitet të plotë. Linja e Këshillimit ju siguron për dhënien e shanseve të barabarta të gjithë kandidatëve. 

Afati i dorezimit të aplikimeve është deri më datën 15.06.2023.  

SHKARKONI OFERTËN FINANCIARE